rabie el hichou
عضو نشيط
عدد المساهمات : 206
تاريخ التسجيل : 04/12/2010
العمر : 29
 |  موضوع: اضحك ليا مع راسك ...في هد الايام المباركة  الإثنين أكتوبر 31, 2011 3:01 pm | |
| [center]هادا واحد ماعمرو ما مشاى للرباط...
نهار مشى ليها
لقا ف الدخلة ديالها بلاكة مكتوب عليها
" الرباط سلا"
هو يقول لصاحبو: هاد الرباط ما لقي ايمتا يسالي حتا جينا ليه حنا
J J J
واحد الموضف بغى يعيط للعساس يجيب ليه أتاي
وهو يغلط ف النمرة وصدق معيط على المدير ديالو
قال ليه
جيب ليا واحد أتاي للمكتب ديالي وطلق راسك أ بنادم
قال ليه المدير: واش عرفتي مع من كتهدر؟
قال ليه الموضف: لا
قال ليه المدير: أنا هو المدير أ الحيوان
قال ليه الموضف: ونتا عرفتي مع من كتهدر؟
قال ليه المدير: لا
قال ليه الموضف: إيوا الحمد لله
وهو يقطع
J J J
واحد خايب بزاااااااااااااف بغى يخطب وطلبو منه صورته
عطاهم التصويرة وكتب عليها
وعسى أن تكرهوا شيئا وهو خير لكم
J J J
هبيل سألوه : الزيتون فين كينوض؟
قال ليهم : كينوض في الكاشير
J J J
الولد: بابا بغيت ناخد كيري
الأب: والله ماتاخد غير بنت عمك طامو
الولد: بابا راه كيري فرماج
الأب: حتى طامو راها زبدة
أش كتعرفو فالزين
J J J
واحد المكلخ كان غادي ولقى 200 درهم وهو يبدا كيفكر
غادي نعطي 50 درهم للوالد كايتسالها ليا
و50 درهم للوالدة كاتسالها ليا
و 100 درهم اللي كايسالني مول الحانوت
وهو يقول اش غادي يبقى ليا !!!
و الله لا هزيتها
J J J
قررت شرطة المرور تكافئ كل واحد داير حزام السلامة
لقاو واحد مبوق سايق طوموبيلتو وداير الحزام
وعطاوه 2000 درهم
وسولوه: أشنو غادي تدير بهاد الفلوس؟؟
قال ليهم: نزيد عليهم ونمشي ندوز بيهم لبيرمي
J J J
واحد كذاب بززززاف قال لواحد صاحبو:
أنا خلاقيت ملي كان قوس قزح بيض وكحل !!
وهو يرد عليه صاحبو اكثر منو في الكدوب قال له:
انا تزاديت فــاش كان البحر الميت باقي مريض فالسبــيطار
J J J
هادا واحد الراجل دا ولدو للسوق باش يعلم ليه الألوان
ورا ليه ماطيشة
وقال ليه: شوف أولدي، هادي ماطيشة وراها حمرة
واخا كتبان ليك صفرة، راه غير باقا خضرة
J J J
واحد سول صاحبو: باش سالات المضاربة ديالك البارح مع مراتك؟
جاوبو: جات عندي راكعة على ركابيها
وقالت ليا: خرج من تحت الناموسية أ الخواف
J J J
واحد الشيباني قال لصاحبو: في أيامات الشباب، كانوا العيالات يجريو يتبعوني
قال ليه صاحبو: ودابا؟
قال ليه الشيباني: لا دابا صافي، عفى عليا الله من الشفرة ديال السيكان
J J J
هادا واحد كيجري مورا القطار
يطيح وينوض، يطيح وينوض
الناس كاملين اللي راكبين ف القطار كيموتوا عليه بالضحك
ناض واحد طل عليه من الشرجم
وقال ليه: وبركة أصاحبي، راه قتلتينا بالضحك
قال ليه هاداك الراجل
إيوا دابا تموتوا بالخلعة راه أنا الشيفور
شكرا لكم
[/center] | |
|
