السلام عليكم...
كيف حالكم أعزائي
....................................................
قاليك هذي واحد الثانوية عملت رحلة لواحد الجزيرة مشاو في الطيارة و الطيارة وقع ليها عطب تقني.. والبيلوط ديال الطيارة تسيب بالباراشيت باش يعتق راسو المهم التلاميذ بقاو غير بوحدهم فالطيارة ناضو صحاب الشعبة ديال التيكنولوجيا صلحو العطب حتاش قاريين داكشي.. وصحاب العلوم الرياضية معا عندهم معا الزوايا والقياسات ساقوا الطيارة ... والأدبيين مالقلو مايديرو وهما يقولو ليهم (كادت الطائرة أن تسقط )
.......................................................
هذا بغا يضرب الصداق ، جابها فالعدول
.....................................................
هذا واحد جراتلو كرشو أوهو يجري موراها
.......................................................
قال لك هدا واحد وقفليه قلبو أهو يعطيه الكرسي
..................................................................
قال لك هدا واحد بغا يبني المستقبل ديالو ; جاب معاه البريك و الياجور
....................................................................
قال لك هدا واحد بغا يقطع الطريق ; جاب معاه مقص
........................................................................
قال لك هدا واحد بغا يضرب تلفون ; و بقا فيه
........................................................................
قال لك هدا واحد طاحت عليه فكرة ; وهي تقتلو
..............................................................................
هذا واحد الراجل كان غادي في الزنقة وقفات عليه واحد الشوافة وقالت ليه عطيني غير 100 درهم و نقول ليك اشنو عندك قال ليها كون كنتي كتعرفي بصح كون عرفتي بلي ماعندي حتا ريال فجيبي
..............................................................................
هدا واحد الفقيه كان خارج يصلي الفجر, فطريقو لجامع قطعات ليه واحد الشجرة فيهاالشوك الجلابة ديالو, هو يتعصب بزاف معا ديك الجلابة تتجي معاه, هو يكتب حدا ديك الشجرة " تحت هاد الشجرة كاين كنز "
لاغادا ناض يصلي الفجر لقا الشجرة محيدة من بلاصتها مرمية هو يقول ليها ها لي باقي يقطع الجلالب
................................................................................
واحد الراجل عرض على صحابو يجيو عندو لدار, ملي جلسو شوية هدروا قال ليهم شنو نسبقو أتاي ولا العشا ؟؟
قالو ليه العشا ! هو يقول ليهم توكلنا على الله نوضو تصليو
..............................................................................
هادو وحدين بغاو إيشوفو رمضان واش كاين أولا لا، هوما إيسيفطو واحد لمكلخ قالو ليه : سير لسطح أو شوف لينا الهلال واش كاين ولا لا . هو يطلع و بدا إقول ليهوم : كاين......ما كاينش !!كاين......ما كاينش !!كاين......ما كاينش !! - شاف هو الهلال تاع لفرماسيان كايشعل ويطفا
........................................................................
:جوج بنات دافعين كبير شافو حادث سيارة
وحدة كالت للثانية oh! le pauvre est reste dans moi مسكين بقا في
ردت الاخرى LE PAUVRE LA BEBLIOTHEQUE SUR LUI مسكين مكتابة عليه
.....................................................................................
موضوع: نكت مغربية مضحكة ههههه 
الجمعة أبريل 01, 2011 4:57 am
